DOMINGO MIRAL
“Qui bien fá nunca lo pierde”
(Fragmento)
JUAN
(…)
Dame a besar isa mano, que´n voy a besar la mano d´un santo.
PEDRO
Anque la besases, no besarías más que la mano d´un hombre honráu. Veten d´aquí, fá lo que siga menester y no hayas miedo, yo vos acompañaré ta la iglesia, faré de testigo y comeré en la mesa güestra lo día que vos casez, después men tornaré ta lo costáu de mi madri y con ella m´estaré hasta que zarre los güellos; y en qu´ella muera, si ye que muere antis que yo, libre como los pasharicos para volar ta do me dé la gana, aquí m´habrez para todo; si querez venderé las bordas y lo pallar para meterme á servir en casa güestra, y si no querez faré lo que le dicié á Emilia ya fa días; yo no he habiú más qu´un amor que m´implié lo corazón, y como lo corazón mío ye sano y ha las parez muito fuertes, allí y encerraú y nunca se´n escapará, y si alguna vez se´n escapa, de zaga dél iría tamién lo corazón y con lo corazón la vida.
Asociación Aragonesa de Escritores 